أغلى امنيه
فى يوم من الايام سالنى واحد من اصحابى ايه هى اغلى امنيه نفسك تتحقق
رديت بعد تفكير طويل جدا لدرجه انو افتكرنى نسيت السوال
وقولتوا الامنيه اللى بجد بتمناها انى القى النص التانى من حياتى
فى الاول استعجب وقالى يعنى ايه النص التانى !
رديت بضحكه جميله ورقيقه وفيها نوع من الامل
"النص التانى" دا اللى حد اللى ممكن يضيع عمرى كله
بدور عليه والقيه قبل ما اموت بيوم بس لازم هلقيه لان هو دا الوحيد
فى الكون اللى هيفهمنى ويقدرنى وهيسعدنى ويفهم طبيعتى وشخصيتى
وانا كمان هفهموا واقدروا واسعدوا وافهم شخصيتوا
ويمكن يكون هو مش زينا ممكن يكون مش مصرى او مش عربى او مش مسلم
او عندوا اعاقه فى شئ ما او كفيف او اصم او ابكم
وممكن يكون فيه كتير من العبر ولكن هو دا الشخص الوحيد اللى مخلقو عشانى وعشان يفهمنى انا
ويقدرنى زى ما انا ومن غير اى تنازلات ومن غير اى تحافظات هيختارنى انا عشانى انا
يمكن جايز صحبى مفهمش الكلام وقالى معلش انت عارفنى غبى شويه وضح
اكتر يا عم الرومانسى!
قولتوا فى ناس ممك نتعيش عمرها كلو بتدور على حد هو الوحيد اللى ممكن يسعدها
وناس تموت وهى مش لقيتوا وناس حياتها ممكن تضيع فى انها بتحلم بيه وناس تشوفوا مره
وبس وناس تقابله ودول اللى بجد حظهم من السما
رد صحبى وقالى تقريبا كدا والله اعلم وربنا يستر حاسس انى بدات افهم
بس كمل انت بتقول ايه ؟
قولتوا هقولك حاجه بسيطه جدا سيدنا ادم معرفش يعيش حياتو ولا يكملها الا لما
ربنا جعل ليه نص تانى وهى حواء يعنى من غر النص التانى كان لا يمكن يبقى فى حياه
لينا كبشر يعنى حياتنا متوقفه على النص التانى وساعات التسرع فى اننا نلقي النص دا
بيخلينى نختار غلط وبعد كدا نندم فى وقت بيبقى فات فيه الاوان
والنص دا هو النص الوحيد اللى هيخلينا بجد نحس بطعم الحياه الجميل
لانو كيمياء غير عاديه بتتفاعل فى حياتنا وتنتج لينا مواد جديد من الفرحه والبهجه والابتسامه
اندماج غير عادى وغير طبيعى روح بتدخل جو روح بطريقه غير عاديه وفى جزء من الثانيه
بتبقى روح واحده مليها الحب والشقاوه والجمال والهدوء والجنون
بيحسوا ساعتها انهم مخلوقين لبعض عشان بعض ملك بعض دول نور عين بعض
ويمكن دا احساسهم من قبل ما يلقى بعضو من قبل ما تجمعهم صدفه فى مكان
او دقيقه من الزمان قبل ا يخطفهم الشوق والحنين ورقه وهمسه المحبين
والعاشقين والمغرمين
كل اللى يلقى نصو التانى هيحس ان كل الدنيا بتشاور عليه وبتقول دول مخلقوين لبعض عشان
يعيشوا لبعض ويكونوا دايما جنب بعض ومش شايفين فى الدنيا غير الخير لبعض
لان جواهم طاقه حب وخير لا يمكن تتقدر او تتفهم
لو محدش اقتنع بان لي كل واحد فينا نص التانى انا هفضل مقتنع بدا لان
دا بجد حقيقى وهفضل احب نصى التانى من قبل ما اشوفوا واحلم باليوم اللى ربنا يوعدنى بيه