♥بحبك بحبك من غير كلام ♥♥ بعشقك وانا فى المنام,
♥بصحى أفكر فيك ♥♥ وبنام على أغنيك.
الله الله الله فعلاً مفيش احلى وأطعم وأصدق من الحب الأول بس انا كانت
ظروفى خاصة كان عندى 9 سنين صحيت فى يوم أروح المدرسة فتحت شباك
الاوضه لقيت شباك الجيران مفتوح بس يا خسارة القمر كان رحته مش بتفوح
ملقتش حبيب القلب موجود, لبست هدومى أخدت السندوتشات والشنطة ونزلت
من البيت بسرعة أركب باص المدرسة علشان عم حسن كان عمال يزمر ولو
إتأخر بالتلميذ عن المدرسة قفا راح يقمر او يحمر ههههههههه, دخلت الفصل
قعدت جنبها بصتلى وبصيتلها كلمت بحبك اقولها فى ثوانى دخلت انا قلبها
مسكت كتابها رسمتلى عليه وردة وكتبت تحتها إنى بحبها وشغل البنات ده و
K+♥?= ♥Love♥ وقلب وفى سهم بصتلها انا وراح ضحكت واديها راح
مسكت انكسفت وسحبت اديها وعجبتنى نظرة عنيها طلبت منها رقم البيت
علشان اكلمها لما اروح بصت قدمها وبرأت بعنيها وارتبكت اتارى مين واقف
وسامع وشايف ميس منى ودى كانت رخمة اووووى وفظيعة وقالت انت ايه
اللى بتعمله ده عيب كده دى زى اختك وبعدين انت لسه صغير على الهوى
رديت انا وقلت صغير ايه يا ميس منى خلاص انا قلبى فى الهوى داب وانكوى
قلتلى انت بتتفرج على افلام عربى كتير قلت انا مش زى الغير, خلصت الحصة
وكلمو بابا علشان يشوف ايه المشكلة وساعتها انا ليلتى مأندله, بعد كده بفتح
الشباك لقيت القمر ظاهر كنت بأيدى بشاورلها ومامتها دخلت ووقفت جنبها
دخت وقفلت الشباك عدى اليوم ونمت وصحيت بسرعة علشان المدرسة بفتح
الشباك لقيت شباك الحبيب مقفول, فى المدرسة مرجتشى ويومى كان بيطول
وفضلت على كده اسبوع وللقمر شوقى كان بيجوع سرحت فى حصة ميس منى
وقلتلى السؤال الرخم بتعها انا كنت بقول ايه ياخالد وقفت ومش لاقى كلام
اقوله, فى الفسحة جتلى ميس منى وقالت جيرانكم عزلو من المنطقة ومش
بسببك هما كده كده كانو معزلين وفى لحظة انهرت من جوايه واتدمرت شالتنى
ميس منى وروحت للدكتورة كشفت عليا وقلتلى بلاش دلع وروح العب كورة
ودى كانت قصة الحب الأول.
النهاية...
سؤال: ليه الناس الكبار فكرين ان الصغيرين عيشين كده من غير قلب هو احنا
يعنى ولاد كلب وعجبى :P